ਬਰੱਸਲਜ਼ (Brussels) ਜੋ ਕਿ The Smurfs ਦੇ ਜਨਮ ਸਥਾਨ ਵਜੋਂ ਜਾਣਿਆ ਜਾਂਦਾ ਹੈ, ਹੁਣ ਇੱਕ ਬਿਲਕੁਲ ਨੀਲਾ ਜਾਦੂਈ ਦੁਨੀਆ ‘ਚ ਬਦਲ ਗਿਆ ਹੈ। ਸਬਬ ਹੈ – ਨਵੀਂ The Smurfs Movie ਦੀ ਵਰਲਡ ਪ੍ਰੀਮੀਅਰ। ਇਹ ਫ਼ਿਲਮ ਭਾਰਤ ‘ਚ 18 ਜੁਲਾਈ ਨੂੰ ਰੀਲਿਜ਼ ਹੋਣੀ ਹੈ।
ਫ਼ਿਲਮ ‘ਚ ਮਸ਼ਹੂਰ ਗਾਇਕਾ ਤੇ ਇੱਕਟਰ Rihanna ਨੇ Smurfette ਦੀ ਆਵਾਜ਼ ਦਿੱਤੀ ਹੈ। ਸਿਰਫ਼ ਆਵਾਜ਼ ਹੀ ਨਹੀਂ, ਉਹ ਇਸ ਫ਼ਿਲਮ ਦੀ ਪ੍ਰੋਡਿਊਸਰ ਵੀ ਹੈ ਅਤੇ ਸਾਊਂਡਟ੍ਰੈਕ (soundtrack) ਵਿੱਚ ਵੀ ਉਨ੍ਹਾਂ ਦੀ ਸ਼ਮੂਲੀਅਤ ਰਹੀ। Rihanna ਨੇ ਕਿਹਾ: “ਇਹ ਫ਼ਿਲਮ ਬਹੁਤ ਮਜ਼ੇਦਾਰ ਤੇ ਹਾਸਿਆਂ ਭਰਪੂਰ ਹੈ। ਜਿਨ੍ਹਾਂ ਨੇ ਛੋਟੇ ਹੁੰਦੇ Smurfs ਦੇ ਕਾਰਟੂਨ ਵੇਖੇ ਹਨ, ਉਨ੍ਹਾਂ ਲਈ ਇਹ ਨੋਸਟੈਲਜਿਕ (nostalgic) ਅਨੁਭਵ ਹੋਵੇਗਾ।” Rihanna ਨੇ ਇਹ ਵੀ ਕਿਹਾ ਕਿ Smurfs ਉਨ੍ਹਾਂ ਦੇ ਬੱਚਪਨ ਦਾ ਹਿੱਸਾ ਰਹੇ ਹਨ ਅਤੇ ਹੁਣ ਉਹ ਖੁਸ਼ ਨੇ ਕਿ ਉਨ੍ਹਾਂ ਦੇ ਬੱਚੇ ਵੀ ਇਹ ਮੌਕਾ ਜਿਉ ਸਕਣਗੇ।
ਨਵੀਂ ਕਹਾਣੀ ਵਿੱਚ Smurfette ਇੱਕ ਵੱਡੀ ਅਤੇ ਦਿਲਚਸਪ ਮੁਹਿੰਮ ‘ਤੇ ਜਾਂਦੀ ਹੈ—Papa Smurf ਨੂੰ ਬਚਾਊਣ ਦੀ, ਜੋ ਅਚਾਨਕ ਗਾਇਬ ਹੋ ਜਾਂਦੇ ਹਨ। ਰਸਤੇ ਵਿਚ ਉਹ ਨਵੇਂ Smurfs ਨਾਲ ਮਿਲਦੀ ਹੈ, ਪ੍ਰਾਚੀਨ ਰਾਜ਼ ਖੁਲਦੇ ਹਨ ਤੇ ਉਹ ਇੱਕ ਖ਼ਤਰਨਾਕ ਵਿਰੋਧੀ ਦਾ ਸਾਹਮਣਾ ਕਰਦੀ ਹੈ।
ਫ਼ਿਲਮ ਦਾ ਨਿਰਦੇਸ਼ਨ Chris Miller ਨੇ ਕੀਤਾ ਹੈ, ਜੋ ਕਿ Shrek the Third ਅਤੇ The Lego Movie ਵਰਗੀਆਂ ਫਿਲਮਾਂ ਲਈ ਜਾਣੇ ਜਾਂਦੇ ਹਨ। ਆਵਾਜ਼ਾਂ ਦੀ ਟੀਮ ਵੀ ਬਹੁਤ ਮਜਬੂਤ ਹੈ—James Corden, Dan Levy, Amy Sedaris ਅਤੇ Nick Offerman ਨੇ ਆਪਣੀਆਂ ਆਵਾਜ਼ਾਂ ਦਿੱਤੀਆਂ ਹਨ।
Smurfs ਦੇ ਪ੍ਰੇਮੀ ਲਈ ਇਹ ਫ਼ਿਲਮ ਇੱਕ ਨਵਾਂ ਤੋਹਫਾ ਹੈ, ਜੋ ਕਿ ਹਾਸਾ, ਐਡਵੈਂਚਰ (adventure), ਤੇ ਜਾਦੂ ਨਾਲ ਭਰਪੂਰ ਹੈ।